من هي المرأة يا رجل ؟!

سألت أحد أصدقائي .. رجل وسيم عظيم مفتول العضلات لديه من العاشقات والمغرمات به الكثير .. يحب الحياة ويحبهن جمعيهن .. فكل واحدة منهن لها بعض التفاصيل التي تجذبه إليها .. 
"من هي المرأة يا رجل ؟! " 
نظر لي والدهشة تملأ عينيه وكأنه يود أن يقول لي : ما هذا السؤال العجيب يا أحمق؟!"
قرأت ماكان يود أن يقول وقبل أن ينطق به قلت له "جاوبني إن إستطعت الإجابة .. وإن لم تستطع فلا تهزأ وتسخر من سؤالي .. فإنه سؤال جيد ويستحق التقدير بالتفكير في إجابة منطقيه له " 
رأى صديقي الجدية على وجهي فقال لي "لاتحزن هكذا .. سؤالك أدهشني ولم أستطع أن أمحي ملامح الدهشة والتعجب على وجهي"
- لا بأس 
- سأجيبك الآن .. لم أر في الحياة البشرية سوى ذكر وأنثى .. رجل وإمرأة .. أنا رجل وأحب إمرأة .. هي تميل لي وأنا أميل إليها .. أقدم لها الحنان فتقدم لي ما تمتلكه من حنان وإبتسامات ونظرات وجسد وقبلات .. كل إمرأة تقدم لك وجبة دسمة "وكل واحدة وزوقها وعلى حسب تربيتها والمؤثرات حوليها .. يعني ممكن تكون بنت مؤبة وعيلتها كويسة جدا ومتربية كويس لكن اللي حوليها من اصحاب بداية من الجيران لاصحاب المدرسة للكلية ممكن يكونوا مش كويسين وهيأثرو عليها طبعا .. والتأثير ممكن يكون سلبي وإبجابي .. وفي الغالب بيكون سلبي وعشان كدا بنلاقي نسبة كبيرة من البنات بيتطاهروا ادام بعض انهم عارفين شباب .. ويعملو مقابلات بعد الاتفاق بينهم عشان كل واحدة منهم تجيب حبيبها اللي مغرم بيها وبيحبها وبيموت ف دباديبها "زي ما كل واحدة معرفه التانيه كدا" .. وهو ولا بيحبها ولا حاجة .. هو كمان بيرضي غروره .. وبيحاول يدور على طريق يمشي فيه عشان يفضي طاقته العاطفيه المخزونة .. وهي بتكون اول طريق يمشي فيه واحيانا من خلال الطريق دا بيكون في حواري .. بمعنى ان من خلال البنت اللي بيمشي معاها ممكن يتعرف على واحدة تانية .. قريبتها او صاحبتها او حبيبتها او حتى أختها .. ووقتها معظم البنات بتوافق .. ياريتني كنت زيهم ! "
- كنت هتعمل ايه طيب لو كنت زيهم 
- بصراحة كنت هعمل عملية واحول راجل 

- طب ليه كدا طيب ؟! 
- الراجل في مجتمعنا الشرقي بيعمل اللي هو عايزه .. يسهر بالليل ويتفرج على مشاهد خارجه ويسكر ويزني ويشتم ويسب ويلعن .. ودا في نظر كتير جدا من الآباء والأمهات "عادي .. وشوية وهيعقل" .. انما لو البنت عملت حاجة من دول وأبوها او امها عرفت .. يبقى نهارها اسود ومش معدي 
"انتي ازاي تعملي كدا" .. "انتي مش متربية" .. "والله لاموتك عشان تتعدلي" .. "احترمي نفسك وخليكي بني آدمة" وكتير اوي من الجمل اللي بتسمعها البنات على شيء غلط .. المفروض انه غلط على الكل .. مش غلط على البنت بس .. في المجتمع الشرقي .. متاح للرجل .. مغلق للمرأة .. مع ان المرأة دي بني آدمة برضو وعندها إحساس .. نفسها تحب وتتحب .. عندها طاقة عاطفية نفسها تخرجها وتستمتع بيها .. زي الرجل بالظبط 
- انت كدا عاوز تدي سبب للبنت عشان تعمل أخطاء 
- لا بس نعالج الحرمان والفقر في الإحساس اللي هي حاسه بيه .. مش نمنعها اكتر واكتر 

- بس البنت بنت برضو 

- مش بقولك ! .. انت خير مثال على المجتمع الشرقي